Just because we use cheats doesn't mean we're not smart

Jæja maður byrjar þetta bara vel, 7 jan og nýtt blogg hehe... Þó svo að maður sé nú ekki búinn að gera mikið síðan síðast þá er þetta betra en ekki neitt.

Allavega man ekki hvort ég var búin að segja frá því hérna en ég semsagt týndi myndavélinni minni þegar Elín var hérna og fann hana ekki hvað sem ég leitaði. Á laugardaginn pantaði ég því nýja myndavél, bara svona einsog ég átti nema hún var aðeins dýrari.  Heyrðu svo ætlaði ég að hitta Richelle snöggt og greip því brúnu töskuna mína og viti menn þá leyndist myndavélin mín þar! haldiði að það sé? Búin að leita í þessari tösku síðan ég týndi myndavélinni! Allavega þetta sparaði mér 300 dollara sem fara bara uppí töskuna mína. Er nefnilega búin að ákveða að kaupa mér tösku í afmælisgjöf. Er ekki alveg búin að ákveða hvernig tösku en það verður einhver dýr og flott hehe einhverjar ábendingar?

Fórum út að borða fjölskyldan í gær, The wild Fig hehe eða villta fíkjan. Þau hafa talið Matthew í hug um að það sé villt fíkja sem eigi staðinn og ef einhver talar í símann eða er með læti þá kemur fíkjan og tekur aðeins í þig. Rosa skemmtilegt að fylgjast með honum, alltaf þegar einhver læti voru í eldhúsinu eða köll frá kokkunum þá varð hann alltaf svaka alvarlegur og ssssssss hann er að koma... æji kjánalegt að skrifa þetta en þetta var svo krúttlegt   Þetta var grískur veitingastaður og vá ég held ég verði að segja að grískur matur er nýja æðið mitt. Sérstaklega Thasíkí eða maður segir þetta allavega svona.  Var þokkalega södd og fór heim og lagðist á meltuna. Það var þó ekki lengi því Richelle plataði mig með sér í bíó. Fórum á Juno, veit ekki hvort það sé byrjað að auglýsa hana en efast um að það sé byrjað að sýna hana. Þetta er snilldarmynd og hugsa ég þetta sé besta dialog sem ég hef séð í bíómynd í langan tíma. Mæli allavega með henni, svo eru svo skemmtileg lög í henni. Finnst þá sérstaklega lagið Anyone else but you standa uppúr. Góð endir á helgi.

í dag fór ég svo og sótti um social security number sem er bna kennitalan en hana þarf ég til að geta sótt um skilríki til að sleppa við að bera vegabréfið mitt útum allt hehe...  Hitti svo Richelle og fórum við í hádegismat á -hvað annað - nema grískan stað í manhasset hann var nú ekki alveg jafn góður og fíkjan en rosa gott samt, fengum okkur svo göngutúr upp og niður plandome. Þar sem veðrið var æðislegt, sól og um 14 stiga hiti. Poppuðum inní Greens og spjölluðum aðeins við Adrian. Fór svo heim og var bara eitthvað að stússast.

Planið á morgun er að ég er að vinna frá 2-6 en ætlaði að reyna að poppa í Sephora fyrir það og kaupa mér eitthvað fyrir húðina þar sem maður á gjafabréf þangað og jafnvel í tónlistarbúð og kaupa soundtrackið fyrir juno. Á morgun er svo spáð sól og um 18 stiga hita þannig að það er spurning hvort maður taki krakkana niðrá strönd á leikvöllinn þar, sé til. Er allavega að fýla hitann hehe... Um kvöldið ætlum við svo að fara útað borða þar sem miðvikudagurinn hentar ekki svo vel til þess.

Svo er Spicegirls í nassau colliseum þann 6 feb, hlakka sjúkt til og efast ekki um annað en það verði geggjað. 

Svo var maður nú að fá þær fréttir að ma og pa ætli að kíkja á mann fljótlega, eitthvað staðfest??

ætla ekki að láta þetta vera neitt lengra í bili. 

 Hædí.

 Skelli inn textanum hérna, endilega lesið!

You're a part time lover and a full time friend
The monkey on your back is the latest trend
I don't see what anyone can see in anyone else...but you
I'll kiss you on the brain in the shadow of the train
I'll kiss you all starry eyed my body swingin' from side to side
I don't see what anyone can see in anyone else...but you
Here is the church and here is the steeple
We sure are cute for two ugly people
I don't see what anyone can see in anyone else...but you
Pebbles forgive me, the trees forgive me
So why can't you forgive me
I don't see what anyone can see in anyone else...but you
I will find my niche in your car
With my MP3, DVD, rumble pack guitar
I don't see what anyone can see in anyone else...but you
Up up down down left right left right B A start
Just because we use cheats doesn't mean we're not smart
I don't see what anyone can see in anyone else...but you
You are always tryin' to keep it real
I'm in love with how you feel
I don't see what anyone can see in anyone else...but you
We both have shiny happy fits of rage
You want more fans, I want more stage
I don't see what anyone can see in anyone else...but you
Don Quixote was a steel driving man
My name is Adam I'm your biggest fan
I don't see what anyone can see in anyone else...but you
Squinched up your face and did a dance
Shook a little turd out of the bottom of your pants
I don't see what anyone can see in anyone else...but you
but you 

 

 

And I Saw God Cry In The Reflection Of My Enemies

jæja Gleðilegt nýtt ár, kominn hvað 6janúar og fyrsta blogg nýs árs mætt á svæðið. Ég gaf mér pínu áramóta heit eða allavega í janúar. Frá og með deginum í dag mega ekki líða meira en 2 dagar milli blogga. Ég á pottþétt eftir að gleyma þessu en ætla að gera mitt besta.

Nú áramótin eru nýliðin ég skrapp með stelpunum inní nyc og var það mismikið stuð, byrjaði ágætlega fórum á klúbbin Eden en vorum farnar þaðan út fyrir miðnætti sem olli ýmsum vandræðum. Ég skildi við stelpurnar og tók taxa uppí central park að hitta vinkonu mína og hennar fólk. Sá kúluna falla og þetta sem þeir kalla flugelda. Kúlan var nú bara pínu lítil og flugeldarnir... tja pabbi setur upp betri sýningu en nyc Fór þaðan í metroið og lennti á þessu líka spjalli við lögguna það var bara asskoti gaman hehe... Svo stökk ég inní Sea Cliff lestina sem ég hef btw aldrei gert áður skipti í Jamaica (sem er versta hverfi nyc) og labbaði svo heim frá lestarstöðinni kl 2 um nótt tók mig klukkutima og var mér orðið pínu kalt í endann hehe... 

 Vicky átti afmæli daginn eftir og skrapp ég til hennar í smá kaffi. Var svo heima bara eitthvað að stússast það sem eftir var vikunnar. Vinna og læti. Var föstudagurinn mjög erfiður og margt sem ég var ekki undirbúin undir en ætla ekkert að gefa nein díteils... hugsa að þið viljið ekkert vita þetta! 

Á fimmtudaginn dró annars til tíðinda. Fór á Hokkí leik með Lotte, Islanders vs. Panters það var hörkugaman og var ég öskrandi líkt og sönnum stuðningsmanni ber að gera. Sátum í rosalega góðum sætum en host pabbi Lotte er general manager þeirra eyjamanna. Kostuðu miðarnir 120 dollara stykkið en það er eitthvað sem ég myndi aldrei borga. Nú eftir leikinn fórum við og hittum hann og vorum eitthvað að spjalla hann sagðist þurfa að tala við strákana og bauð okkur með. Löbbuðum við inn og sáum að kæróurnar voru komnar til þeirra. Fannst mér ég eitthvað kannast við stelpuna sem stóð við hliðina á nr 89. Leit aðeins betur og ráðfærði mig við Lotte. Pínulítil ljóshærð stelpa sem notar alltof mikið make up. Var þetta þá enginn annar en Hilary Duff. Já pínu skondið!

Kíktum svo í partý til vinkonu vinar Lotte og það var spes upplifun. Keyrðum uppað húsinu eða héldum það en þurftum þá að hringja bjöllu og fara í gegnum hlið og læti. Húsið var það stærsta sem ég hef séð og  var partýið haldið í sundlaugarhúsinu. Þar inni var eldhús bar risarisa stór heitapottur 4 sjónvörp á hverjum vegg  búningsklefar og svona 20 auka sundföt fyrir gesti. Úti var svo sundlaug sem er álíka stór og "djúpa" laugin í Árbæjarlaug. Ekki slæmt. Allir í manolos eða jimmy choos skóm með designer tösku og föt. Okkur leið nú hálf kjánalega klæddar í hm hehe en já þetta var upplifun. 

Tók helgina svo ósköp rólega kláraði að vinna á föst og beilaði á djammi með stelpunum og var komin uppí rúm og sofnuð klukkan 10. Voða næs í gær fór ég svo í bankann og lagði pínu inn keypti mér nýja myndavél online og vann svo í gærkveldi. Var svo komin uppí rúm um miðnætti. Er að fara núna að hitta Richelle þar sem hún er að vinna með litla strákinn sinn ætlum að hanga eitthvað. Svo er nýr Despó í kvöld og mikil spenna fyrir honum. Heyrðu við sjáumst svo bara á morgun eða hinn.

Já og vil benda á að nokkur video og myndir frá jingle ball eru komin inn á samt eftir að merkja þetta. Svo eru nokkur öskur inná en ég var semsagt með óþolandi gelgju fyrir framan mig sem eiginelga hætti ekki að öskra, þetta er misslæmt en þið bara hafið þetta í huga!

 

hædí 

síðasta!

jæja hef nokkrar mínótur held ég til að skrifa eitthvað hérna inn.

Tónleikarnir voru æði út í eitt! Hef sjaldan eða aldrei haft jafn rosalega gaman á jafn stuttum tíma, allt  rosalega vel skipulagt og alveg klárt hverjir allir voru komnir til að sjá -- Jonas Brothers hehe allt varð vitlaust þegar þeir stigu á sviðið og kláruðu kvöldið veit reyndar rosa lítið um þá  gaman að því hehe... Backstreet boys voru æði og Fall out boy er eitt það besta sem ég veit um hehe vá hvað maður er sorglegur. Tók ábyggilega helminginn upp af þessum tónleikum á eftir að fara í gegnum það og sjá hvað er prenthæft. Tók samt upp samhæfðan dans þeirra götustráka fyrir ákveðna lesendur hehe...

 Nú eftir tónleikana labbaði ég út í vímu og gekk því niður 20 götur á skóm sem voru að drepa mig (note to self, fara í þægilegum skóm á tónleika) allavega við fórum ég og Richelle og hittum Katie og Lotte niðrí chelsea og fórum á einhvern klúbb man ekki alveg hvar við enduðum en það var ágætis stemning þrátt fyrir að ég væri að verða veik. Nú við fórum heim með 3,20 lestinni og vorum komnar heim í hús um 5 leytið einsog vanalega. Ég vaknaði svo um hádegi orðin veik með hita og hálsbólgu.

Ekki gott það þar sem Elín átti að koma kvöldið eftir. Þessi dagur fór í það að sofa og deyja ekki... Tók eitthvað flensulyf hérna en það er eitthvað við lyfin hérna í usa að mér verður eitthvað svo flökurt af þeim, einhver læknir sem les þetta og getur varpað ljósi á málið?? 2323 kannski??

Jæja allavega kvöldið eftir  fór ég útá JFK og sótti litlu systur, hún var náttúrulega síðasta manneskjan til að fá töskurnar sínar, svo það tók ágætist tíma að fá hana og koma sér svo heim. Nú ég ákvað svo að reyna að drepa okkur á leiðinni en það tókst ekki alveg en Elín hefndi sín svona líka svakalega það sem eftir var vikunnar, þ.e. að reyna að drepa mig haha...

Vikan einkenndist af mollum VS og fleiri mollum, fórum í öll mollin á svæðinu allavega 1x sem er nokkuð gott miðað við fjölda og stærð. Einnig má segja að Elín hafi eytt helmingi gjaldeyrisins í VS og þá ekki í það sem búðin er þekkt fyrir. En við fórum einnig inní NYC og skruppum á top of the rock og á skautasvellið. Sáum jólatréð og höfðum það notalegt. Fórum einnig í Kínahverfið að kaupa túristadæmi og skoða okkur um, sáum Central Park og fórum í Sex and the city túr.

Fyrir mitt álit verð ég að segja að ég elskaði túrinn. Fórum um alla manhattan en vorum mest á lower hlutanum. Fórum svo og skoðuðum útidyrnar og tröppurnar uppí íbúð Carrie og tókum mynd þar og komumst svo að því að SJP býr handan við hornið! Fengum cupcakes og læti hehe.

Fórum svo í mollið á leiðinni heim og að sofa, það má segja að þessa viku hafi ég verið minna heima en ég hef verið áður...   Hún fór svo á sunnudeginum og vorum við mættar uppá flugvöll um 6 leytið. Þegar stelpan var komin inní vélina var svo tilkynnt um 4 tíma seinkun, gaman það!!

Svo komu jól, þau voru nú aðeins öðruvísi en ég hef kynnst áður á Aðfangadag var borðuð Pizza sem mamma Tinu bjó til og ég skrapp í messu á miðnætti. Var svo vakin upp með kossum kl 7 um morguninn þegar Matthew klifraði uppí rúmið til mín. Ekki slæmt, fórum niður og opnuðum jólasokkana! Í mínum var bolur úr J.Crew 25 dollarar í sephora spegill skó-seglar og varasalvi með piparmyntu bragði. Matthew fannst mikið koma til og sagðist ekki alveg skilja hvernig ég gæti hafa verið svona góð stelpa þegar ég færi svo oft seint að sofa! Hann hefur nefnilega séð mig læðast upp stigann kl 5 á morgnana ehhhh...

 Heyrðu svo fór mín bara í sturtu og svo var opnað pakkana undir trénu um 10 leytið. Fengu krakkarnir rosalega marga pakka en stærsta dótið var að Matthew fékk leikja borð með: fótboltaspil, þythokkí, körfubolta, borðtennis og billiard, hann var voða ánægður hehe. Charlotte fékk eldhús með eldavél ofni ískáp og búri. Þetta var svona 3 hluta sett og rosalega sætt æjjj... Hún elskar þetta og er alltaf að elda kvöldmat en vill aldrei deila matnum. Ég fékk svo Peysu úr J.Crew make-up sett úr Sephora og lítinn sætan ipod! Var alveg rosalega ánægð.

Opnaði svo gjafirnar frá Íslandi og takk æðislega fyrir mig allir , er rosalega ánægð með allt sem ég fékk og verð að segja að ég fékk miklu betri gjafir en ég gaf...   en maður reynir bara aftur á næsta ári! 

 Hitti svo Katie um kvöldið og skiptumst á pökkum.

Er ein heima núna þar sem familían skrapp til Martha's Vineyard en ég er sko ekki búin að hafa tíma til að sakna þeirra þó að ég sakni krakkana óttalega núna hehe þá er voða gott að vera ein heima og geta gert það sem ég vil! 

Á fimmtudaginn fórum við svo að djamma inní nyc á klúbb sem heitir Avalon, hann er rosaflottur er inní kirkju. en verð að segja að þetta er eitt versta djamm sem ég hef farið á. Vil ekkert fara útí það nánar. Katie og Lotte gistu svo hérna um nóttina. Föstudeginum eyddi ég með Richelle og fórum við á deit um kvöldið eða dinner & movie. Fórum á P.s. I love you, hittum reyndar vini okkar sem fóru með okkur í bíó. Smá saga sem kom útúr því en ég ætla ekki að segja hana neinum sem hefur ekki lesið bókina! Hægt að fá hana á öllum bókasöfnum. Hún gisti hérna í nótt og horfðum við á Hairspray í gærkvöldi og í morgun. Vá ég elska þessa mynd og Zac í henni einsog ég fýla hann ekki venjulega úppssss... 

Í dag er ég svo búin að taka rækilega til í herberginu mínu, ryksuga og læti og ætla að fara að horfa á Entrougnage eða eitthvað veit ekkert hvernig þetta er skrifað hehe skiptir ekki öllu.

 Er búin að kaupa miða á nýársdjamm í nyc, vona að það verði gaman eða allavega skemmtilegra en Avalon.

Heyrðu svo er það helst að ég týndi nýju flottu myndavélinni minni eða henni var stolið eða eitthvað. Fékk smá pening í jólagjöf og ætlaði að kaupa mér tösku fyrir hann en nei verð víst að redda mér nýrri myndavél, svekk!!

Annars efast ég um að ég muni blogga aftur fyrir nýárið þannig að ég óska ykkur öllum gleðilegs nýs árs, takk fyrir allt á gamla árinu og sjáumst vonandi seint á því nýja! 

 Ástarkveðjur og knús

Heiðrún 

Gleðileg jól

Vildi bara nota tækifærið á annann í jólum að óska ykkur gleðilegra jóla, er búin að vera frekar mikið busy síðustu vikur en lofa bloggi næstu daga.. Bið að heilsa!!

counting christmas

jæja kominn nýr nokkrir dagar í jól og ekkert blogg, uss

 

heyrðu músin náðist, ég fann hana klemmda hálstaki og öskraði pínu en ekkert sem maður er ekki búinn að jafna sig á! Maður er nú orðinn svo harður eftir að hafa verið hérna í 4 mánuði haha... Tina spurði samt hvort ég laðaði ekki pottþétt betri karlpening að mér heldur en gæludýr, svari nú hver fyrir sig!   

Man annars ekkert hvað ég er búin að vera að gera uppá síðkastið. Er búin að fara að djamma síðustu  2 helgar og þar af inná manhattan um síðustu helgi. Fórum fyrst inná mjög töff stað með góðri tónlist en ég get svo svarið það að við vorum eina fólkið á svæðinu sem var, tja hvað á ég að segja, þess þurfandi að fara í ljós til að falla inní hópinn. hehe...

Svo á þriðjudaginn fórum ég og Katie í þetta svaka fína boð haha... Paul reddaði mér inní partý hjá Wilmington Trust sem er með höfuðstöðvar í Rockafeller Plaza. Sjitt þetta var svo sjúklega töff haha... Löbbuðum inn og þá voru menn þar sem tóku af okkur jakkana og hengdu upp og svo var okkur rétt hvítvínsglas. Þegar við löbbuðum inn var svo endalaust af æðislega góðum mat og við fengum okkur smá af því. En aðallega eftirréttum. 3 mismunandi eftirréttir voru í boði, pecan caramell brownies, súkkulaði í piparmyntu mjólk og graskers og rjómaosta sleikjó með granola! ómæ haha þetta var svo rosalega gott fæ vatn í munninn alveg. Hittum eiganda fyrirtækisins og hann var svona líka næs við okkur og við vorum svona alveg einsog sex and the city hehe. Eftir boðið fórum við svo í eftirpartýið með eigandanum og öðrum ceo-unum og var það haldið á bar á næsta stræti. Barinn er kallaður Johnny Utah og er með kúreka ívafi. Þar gat maður farið bull-riding sem ég ætla pottþétt að gera við tækifæri, samt þegar maður er í gallabuxum en ekki fínum kjól hehe...

Heyrðu svo fer að styttast í að litla sys komi að kíkja á mig þó svo að henni sé eflaust ekki vel við mig þessa stundina þar sem hún verður heppin ef hún getur tekið með sér auka par af nærum. Þar sem ég er að fá svo mikið sent jeijei!!

En áður en hún kemur þá á ég stefnumót með Richelle á föstudaginn, þeir aðilar sem ætla að kíkja á okkur eru meðal annars,

Backstreet Boys
Alicia Keys
Avril Lavigne
Boys like Girls
Fall out Boy
Timbaland ásamt Onerepublic og Keri Hilson
Jonas Brothers
Jordin Sparks
Colbie Caillat
Ashley Tisdale og einhverjir fleiri 

Ég er ekkert smá spennt og hlakka þvílíkt til. Svo er hugmyndin að hitta Katie og Lotte eftir tónleikana og fara á klúbbinn Avalon sem er inní kirkju. Ég veit ekki alveg hvernig mér líst á það en við sjáum til.

 

heyrðu þar til næst,

ble 

 

all it takes is one shoe!

helló ég er mætt á svæðið.

Sit hérna uppí sófa að hafa það kósý, Tony Bennett er í sjónvarpinu syngjandi á skautasvellinu fræga. Það er nefnilega verið að kveikja á stóra fallega jólatrénu við Rockafeller center. Ashley Tisdale sem er fræg úr High school musical og Nick Lachey x-inn hennar Jessicu Simpson eru að kynna þetta. Búin að sjá Carrie Underwood, Celine Dion, Sean Kingston og fleiri góðkunningja hérna hehe... Hefði verið til í að vera þarna, en hei allavega er ég að horfa á þetta í beinni. 

Var einmitt að sjá brot frá fyrrum heimili trésins og fyrrum eiganda þess. Þar var bara þakkað guði fyrir góða heilsu trésins en miklar áhyggjur voru hafðar af trénu. Ég veit svo sem ekki hverjum það er að þakka en tréið er komið heilu og höldnu upp og búið að kveikja þessi 200þús perur. 

Annars er allt semí gott að frétta, Thanksgiving var í síðustu viku og það var æðislegt að upplifa hana, við héldum hana hérna og kom fjölskylda Paul's til okkar klukkan 2 og við settumst niður að borða klukkan 3 án frekari orða þá get ég sagt að við stóðum upp klukkan 7 hehe  Boðið var uppá butterscotch súpu í forrétt og svo var 26 punda kalkúnn (einn leggur er máltíð fyrir 3) sæt kartöflustappa með eplum og kanil og fleira góðgæti. Í eftirrétt var svo hnetusmjörssúkkulaðikaka, epla pie og graskerspekan hnetu pie sem enginn annar en ég gerði! jeijei ég bakaði þessa líka fínu böku og hún leit barasta út alveg einsog þær í bókunum hehe...

Föstudagurinn var leti frameftir öllu, á laugardeginum fór ég að versla með nýrri stelpu hérna, Sabina frá svíþjóð. Byrjaði aðeins á jólagjöfunum, ef einhver ætlar að vera svo sætur að senda mér gjöf má hann alveg láta mig vita svo ég geti gengið frá nokkrum lausum endum. 

Um kvöldið fórum við svo út, ég, Vickoria og Isabelle fórum inní nyc á einhvern klúbb sem heitir held ég nicky midtown. Staðurinn sem slíkur var voða fínn, en ég og Vicky vorum ekki að fýla fólkið þarna svo við stukkum með 1,30 lestinni heim og skruppum inní greens vorum þar í smástund spjölluðum við vini mína þar og skruppum svo á annan bar í PW. Töluðum þar við eigandann og vin hans. Sögðum þeim eða eiginlega bara vininum að við hefðum verið að djamma á klúbbi og drukkið og ég væri að keyra hehe... vil samt taka það fram að ég var ekki full bara hress. Svo blaðraði ég að ég væri 20 en ekki 21. Heyrðu haldiði að gaurinn hafi ekki verið lögreglumaður í nyc. talandi um vandræðalegt!  

Sunnudagurinn fór í símann, talaði við mömmu og jóhönnu og skrapp í bíó um kvöldið, sá Enchanted, ohhh hún var svo sæt hehe og skemmtileg hehe...

hmmm hvað meira, fékk pakka frá mömmu og pabba í síðustu viku. Það var æðislegt, pils peysur, nammi og Teppið mitt!! Æðislegt að fá pakkann,  og nammið hehe...

Svo kom pínu uppá í fyrradag, ég fann gat á nammizipblock pokanum mínum, með besta namminu, lakkrísbitum og Kúlum. Það er semsagt einn stykki mús í herberginu mínu. Allt var sett í gang og nú eru fleiri gildrur inní herbergi en ég get talið hehe mikki náði samt beitunni í einni gildrunni fyrstu nóttina án þess að nást svo þetta er gáfaður skratti! Höldum áfram að reyna en þar til músin næst þá er ég komin í gesta herbergið !aftur! hehe ég er einsog flóttamaður hérna úfff haha

og til að bæta gráu ofan á svart þá hefur endajaxlinn verið að drepa mig frá því í síðustu viku. Hann er eiginlega komin alveg upp ss neðri hægri! Eftir að hafa gengið á verkjatöflum ákvað ég að takast á við óttann og fara til tannlæknis! Bara gaursins hérna í Sea Cliff hann er víst þekktur fyrir að takast á við hrædda sjúklinga! Allavega ég fór þangað og hann er svona líka fínn gaur. Sagði mér að daginn áður hefði J.Lo skroppið til hans en hann er búinn að vera tannlæknirinn hennar í mörg ár skemmtileg tilviljun, verst að ég fór ekki deginum áður! Allavega hann gaf mér sýklalyf og ég fer aftur í næstu viku en þetta hefur skánað mikið, get allavega bitið saman tönnunum núna hehe...

 

æji nenni ekki meiru úff!! Lofa bloggi í næstu viku ef ég fæ einhver komment, hvað varð um alla sem lásu í byrjun? allir hættir að lesa?

hædí 

I was in the right place but it was the wrong time!

jájá ég veit, of langt síðan síðast. Veit ekki afhverju ég á svona erfitt með að setjast niður og skrifa um daginn og veginn þegar ég er í tölvunni á hverju kvöldi að pirrast yfir bloggsíðum sem eru ekki uppfærðar daglega!   En eins og vanalega þá hefur margt gerst og því gæti þetta endað í mjög löngu bloggi sem enginn nennir að lesa eða punktum! sjáum hvernig þetta endar. 

 Halloween var þarna einhvern tímann fyrir löngu, eða nánar tiltekið í lok október. Ég skar út pumpkin sem kom svona ljómandi vel út.  Þetta er  babydevil ef einhver sér það ekki!

 

 

 

 

 

 

 

Tina hélt Halloween party fyrir bekkinn og vini Matthew's og var það svaka stuð, pizzur samlokur pasta og læti og allt haft í garðinum. Svo notalegt veður í lok október. Sjá sætu krakkana.

 Matthew er uppi í miðjunni á milli hotwheelcars og svíns. Hann fór sem Yoda úr starwars en gafst fljótlega upp á grímunni haha...

 

litla snúllan mín fór hins vegar sem Rauðhetta og hún var sætasta rauðhettan.

 

 

 

 

 

 

 

 

Um kvöldið fór ég ásamt nokkrum stelpum inní new york til að horfa á skrúðgönguna í þorpinu(aka grenwich village). Það var aðeins of mikið fólk en rosa gaman.

Eyddi síðustu viku með Richelle og Jacob, en hann er stærsta 14 mánaða barn sem ég hef séð hehe... Þau undu sér vel heima hjá honum enda ekki til það dót sem er ekki í leikherberginu hjá þeim.

sætu að fá sér te...

 

 

 

 

 

 

 

Nú ég fór líka á stað sem heitir B.B.King og er víst frekar frægur. Hittumst allar stelpurnar í New York fylki og einsog vanalega þá var enginn önnur frá Íslandi. suprisesuprise. Borðuðum brunch og hlustuðum á gospel tónleika. Voða gaman þrátt fyrir að maturinn hafi verið frekar lélegur.

 

 

Við stúlkurnar, ég Katie, einhver, Philo, Suzie, Bine og Nadine.

 

Þess má geta að Philo og Nadine eru báðar í Rematchi. Nadine er að spá í að fara til Texas og Philo fer hugsanlega í bæ sem heitir Sleepy Hollow, hversu spúkí er það?

 

Fór á Sunnudaginn síðasta inní borgina með Richelle, skruppum á Museum of National History. Margir þekkja það úr bíómyndum og einnig fékk það sér bíómynd um sjálft sig í Night at the Museum. Það var hin mesta skemmtun, alveg sjúklega stórt safn og frekar hættulegt. Var næstum étin af risaeðlu og stöppuð niður af fíl. Eða þannig...   

 Fór á tónleika í gærkveldi í garðinum. (Madisonsquaregarden) alveg fáránlega stór höll haha. Sáum Cute is what we aim for, gym class heros, plain white t's og Fall out boy. Það var aðeins of gaman og fékk ég nokkur svona "trúi ekki að ég sé hérna" móment með tilheyrandi hristingum. hehe... Af einhverri asnalegri ástæðu gleymdum við myndavél og féllu nokkur tár við þá uppgötvun.

Svo er Thanksgiving í næstu viku. Á fimmtudaginn svo nánar sé tiltekið. Veit ekki alveg hvað ég geri um daginn, verð heima að hjálpa til eða úti einhversstaðar, eða fari inní borgina að sjá hina heimsfrægu skrúðgöngu macy's. Sjáum hvernig veðrið verður. Nenni ekki að skrifa meira, var að setja inn fullt af myndum en á eftir að skrifa undir þær, það verður að bíða betri tíma. 

 Haustið er komið með alla sína liti. Aðeins öðruvísi að upplifa haustið hérna en á Íslandi. Laufin verða rauð, appelsínugul, brún fjólublá gul falla svo fallega á jörðina. Þar til kínverskir strákar blása þeim í hrúgur hehe. Öðruvísi en á Íslandi þar sem laufin skipta um lit, svo kemur vindur blæs öllum laufunum burt. Svo er kominn vetur.

Jei Elín ætlar að ríða á vaðið og kíkja til mín í desember, get ekki líst tilhlökkun minni nógu mikið. Verðum að gera dagskrá og kíkja á eitthvað skemmtilegt, Christmas spectacular á víst að vera geðveikt og svo er náttúrulega broadway alltaf klassi með leikritin. 

Takk elsku Steinunn mín fyrir fyrsta pakkann sem ég fæ hingað út. Pínu svekk samt að fyrsti pakkinn var jólagjöf og því fékk ég ekki að opna hann. Var næstum búin að því en Tina bjargaði mér fyrir horn og faldi pakkann hehe... og Jóhönnusnúllan mín takk fyrir pakkann þinn. Rosalega gaman að fá diskinn og blöðin. haha gott að hann gaur gat loksins tekið bílpróf þökk sé vinum okkar!

úfff einsog ég sagði langt blogg en samt í punktum.

ble

hædí 

halló

hvernig byrjar maður á færslu? Er svekkt með kommentin hérna við síðustu færslu, hvað varð um alla!

Tók fullt af myndum af húsinu vegna eftirspurnar:

 

 

 

 

 

 

 

 
 

 

 

 

 

 

haha einsog þið sjáið þá er það ekki að ganga sérlega vel að setja myndirnar inn þannig að þið bara kíkið á þær á netinu, setti líka inn myndir úr afmælinu.

Fór að djamma í gær, klúbb sem heitir Savannah, var ekkert smá flottur og æðisleg tónlist.  Full af fólki og aðeins betra en síðast hehe. Skemmti mér rosa vel ef þið skiljið. Skutluðum svo einhverju fólki heim og svona. Vil ekkert fara meira út í það, þið bara spyrjið ef þið viljið.

Fékk nýjan síma í dag, hinn dó! Haldið að það sé ekki svona svaka flottur motrola haha!

 Haldið að maður sé ekki flottur með bleika myndavél og bleikan síma haha!

 

 Verslaði aðeins í dag, fórum í century 21 sem er department store með merkjavörur á lækkuðu verði! Keypti mér guess úlpu og peysu og fleira, mátaði D&G pils var voða fínt hehe kannski næst

 Er að passa núna og Isabelle er að passa aukalega fyrir Robin sem er meðeigandi Pauls. Hún lennti í svaka veseni á leiðinni og missti af stopsigni og akkurat þá var löggan þar. Hef aldrei séð jafn mörg stop skilti og hérna og veit ekki hvað maður hefur neyðarbremsað oft án nokkurar ástæður haha... Isabelle þarf samt að fara fyrir dóm og læti, Robin ætlar að hjálpa henni með það samt þannig að þetta verður allt í góðu! 

 Heyrðu haldiði svo að maður sé að fara Fall out boy 14 nóv. Það verður alveg sjúklega gaman, keypti miða í gær, fer með Vicktoríu, þýsk aupair sem á stelpu í sama bekk og Matthew er í!

Já gaman að því, nenni ekki að hafa það lengra. Hver ætlar svo að verða fyrstur til að kíkja í heimssókn?

 

hædí 

jei

úff kominn tími á nýtt blogg, hitt var aðeins of niðurdrepandi... 

Updeit. Meindýraeyðirinn kom og ég hef ekki verið bitin síðan 7,9,13! Var spurning einusinni en þúst það var ekki alveg eins svo við vonum það besta!

 Var að vinna í vikunni einsog vanalega en Matthew þessi elska var veikur á fimmtudaginn, fékk hita á miðvikudag og ekkert smá mikið. Veit ekki hversu mikið þar sem það er ekki til hitamælir í húsinu hehe... Fór svo með þau á Makkan á föst því Matt er búin að vera svo góður undanfarið. Vá hvað ég myndi ekki meika að vera einstæð mamma með 2 börn, það er ekkert smá mikið batterý að taka þau eitthvert annað en á leikvöllin hehe...

Fór út að borða í gær með nokkrum stelpum, á mexikanskan stað, ætlaði að leggja og keyrði inná bílastæðið, þá stóð alltí einu maður fyrir framan mig, þá var þetta vallet staður, keyrði næstum yfir greyið manninn sem ætlaði að leggja bílnum mínum! Töff! Hittum svo vin einnar stelpunnar og vini hans.

Fór að djamma í gær, jeijei fyrsti alvöru klúbburinn sem ég fer á hérna, var voða flottur eftir að við fundum hann leituðum í hálftíma að honum hehe...  

Klúbburinn var mjög flottur, ólíkur þessum íslensku, stelpur dansandi í búrum og endalausir litir stórt dansgólf og mjög töff... Eini gallin var að ég fýlaði ekki músíkina... Pínu stór galli en hún var í lagi öðru hvoru... Annar galli var að 60% voru latinos 30% svartir og 10%restin sem segir að ég var í miklum minnihluta hehe...  Það var samt mjög gaman að sjá alvöru dans þar sem hipphoppið réð ríkjum. Íslenskt hliðarsamanhliðar með snúning hér og þar var ekki alveg að virka. Leið einsog ég væri í einhverri dansmyndinni þið vitið hvað ég meina

Í dag var svo komið að því, ég fór í klippingu jeijei tók lestina og svo subwayið niðrí sóhó. Sá Nyc university leit vel út! Labbaði inn og jii minn! Stelpa tók á móti mér og tók töskuna mína og pokana (stoppaði í nokkrum búðum á leiðinni) Leiddi mig inní klefa og sagði að ég gæti farið í sloppin yfir bolinn eða farið úr bolnum. Ég var nú ekki alveg að fýla að vera topless í slopp til að lita á mér hárið!  svo ég hélt mig í bolnum hehe fór svo út og fékk axlanudd meðan ég beið eftir klipparanum. Hann kom svo og haha minnti mig á einhvern hippa síðan ég veit ekki hvenær, með krullur dauðans og sítt svart hár. Hann var samt voða fínn. Klippt og litað og fékk svo handarnudd meðan hann var að klippa hárið! Allt voða næs... Stökk svo í lestina og hina lestina og kom heim að passa. Jei er með fína hárið mitt að horfa á sjónvarpið!

Ákvað að vera næs við sjálfa mig og panta brauðstangir af dominos svona ostafylltar jammí... Allavegar gaurinn hringdi 3x til baka til að endurtaka pöntunina og svo til að staðfesta og svo að lokum til að staðfesta heimilisfangið! Allt fyrir 6 ostabrauðstangir og sprite! Skemmtileg saga, en gaurinn var að koma og hann rétti mér stóra pizzu með einhverju dóti og kjúklingavængi! Eftir 4 símtöl tókst þeim samt að rugla þessu Haha en ég fékk stóra pizzu og kjúkling fyrir 10 dollara hehe...

Svo á litla snúllan mín hún Char 2 ára afmæli á morgun, það verður bara lítil veisla um 40 manns hehe já það er lítið og hoppukastali og getur verið að það verði trúður! Verður gaman að sjá þetta. Keypti einmitt handa henni svona baðdót með Dora The Explorer. En hún er háð þessu þáttum, syngur með öllum lögunum og það versta er að ég er farin að syngja líka hehe en hehe hún elskar þetta!

Tók nokkrar myndir á fimmt af húsinu og ætlaði að skella þeim inná netið, setti kortið í tölvuna og ýtti því inn, var ekki að taka eftir því að þetta væri lítið kort svo það datt inní vélina. Vandræðalegt! þurfti að fara með vélina í tölvubúð og útskýra fyrir þeim hvernig ég týndi kortinu í vélinni en hann náði því út svo á morgun mun ég henda fullt eða allavega nokkrum myndum á netið jeijei!!  

Heyrðu svo er ég komin með netsíma, þarf að tengjast netinu og þá er ég komin með íslenskt númer jei, er samt í smá veseni með að tengja símann, pabbi? Er með net í fullum styrk en get ekki tengt símann. Þarf að vinna í þessu! 

 Finnst rosa gaman að lesa öll commentin, hver er að kommenta fyrir nefndina?

hædí

 

 

 

 

Bed Bugs

Nú er mér hreinlega ofboðið, ókei ég var búin að segja frá þessum bitum sem ég fékk og að þetta væru bed bugs. Dýnunni var hent og ný pöntuð. Ókei nýja dýnan kom en passaði ekki í rúmið. ohh en ókei, á þriðjudaginn fór Tina og keypti nýjan rúmbotn og ný teppi og allskonar fínerí. Jæja svaf í herberginu mínu síðustu þriðj/miðv nótt og um 5 um daginn byrjaði mig að klæja. Allavega löng saga stutt pöddurnar eru ennþá í rúminu mínu.

 Tina ákvað svo að skoða aðeins upplýsingar á netinu um þessi ógeð. Hún hringdi í mig stuttu seinna um 2 leytið í dag og ég var við það að fara að gráta í allan dag. Það kom semsagt í ljós að pöddurnar lifa ekki bara í dýnunni heldur í veggjum gólfi og allstaðar bara. Þær velja eina manneskju og vilja halda sig við hana. Þess vegna var ég ekki bitin fyrstu dagana sem ég svaf í gamla rúminu. Þær voru að leita að Gwendu.  Já málin eru þannig að nú er ég blóðið þeirra. Þær geta labbað 10 fet sem er eitthvað langt er ekki alveg viss. Og ef ég sef ekki í rúminu koma þær að leita að mér, hversu ógeðslegt er það!!! Allavega ég þarf að sofa einhversstaðar í nótt svo ég ætla að sofa í sokkum og líma buxurnar við mig.

Tina kallaði svo á meindýra eyði og komst að því að þessar pöddur eru þær verstu til að fá inní húsið til sín. Erfiðast að eyða þeim. Meindýra kallarnir koma því á morgun og sprauta allt húsið. Þetta tekur einhverja 3 tíma og má enginn vera í húsinu á meðan. Þetta er einmitt tíminn sem Char tekur  nap yfir daginn. Veit ekki alveg hvernig við reddum því þar sem hún sefur ekki í bílnum eða neinstaðar annarsstaðar. En ef ég losna við pöddurnar þá er mér sama um vælandi stelpu hehe...

En núna semsagt er ég að undirbúa mig andlega undir nóttina, vitandi að ég er beita fyrir pöddurnar. Sé ekki fram á mikinn svefn.

Annars rigndi sjúklega mikið í dag, byrjaði klukkan 2 og endaði um 7,30. Hef aldrei séð jafnmikla rigningu. Vegir voru lokaðir, bæði við sjóinn og inní landi því niðurföllin önnuðu ekki eftirspurn. Frekar fyndið hehe... Niðurfallið hérna fyrir utan var fullt og frussaðist yfir allt hérna. Vorum víst heppin að hafa rafmang! pínu fyndið að pæla íþessu, hefðum líklega verið rafmagnslaus hehe æji...

En góðar fréttir; Jei myndavélin mín kom í dag! Ýkt sæt og pínu lítil hehe...

 

 

 

 

 

 

 

 

 Krúttleg? hehe